“Пахтасаноат илмий маркази” акциядорлик жамияти қошида янги лаборатория барпо этилиб, унга “ Текстехно” фирмасининг ( Германия) янги замонавий пахта толасининг сифат кўрсаткичларини ўлчаш тизими ўрнатилди.
Ушбу ўлчаш тизимларини қуйидаги йўналишларда қўллаш режалаштирилган:
-янги селекция навларини сифат кўрсаткичларини ўрганиш бўйича илмий тадқиқотлар ўтказиш, ҳамда янги техника ва техналогияларни яратишда тола сифатини инобатга олган ҳолда илмий тадқиқотлар ўтказиш;
-пахта толаси нави ва синфини Ўзбекистон давлат стандарти бўйича аниқлашни автоматлаштириш. (Ҳозирги кунда қўлланилиб келинаётган HVI
( Эйч Ви Ай ) тизими нав ва синфини фақат халқаро ( Америка ) классификацияси бўйича аниқлайди. Ўзбек классификацияси бўйича нав ва синфи органалиптик усулда баҳоланади);
-пахта толаси сифати бўйича келишмовчиликлар юзага келган ҳолларда арбитраж усул сифатида сифат кўрсаткичларини ўлчашлар ўтказиш;
-пахта тозалаш корхоналари ва тўқимачилик саноати ҳамда илмий – текшириш корхоналари буюртмалари асосида тола сифатини аниқлаш бўйича ўлчовлар ўтказиш.
Ушбу ускуна ўлчов натижаларининг юқори аниқлиги билан фарқланади.
Publication author
