Тошкент давлат иқтисодиёт университетида “Карьера куни” ахборот-таништирув тадбири бўлиб ўтди. Мазкур олий ўқув юрти ва Савдо-саноат палатаси ҳамкорлигида битирувчилар учун ташкил этилган тадбирда Республикамиздаги 30 га яқин муассаса ва ташкилотлар, банклар, фирма ҳамда компаниялар бўш иш ўринлари билан иштирок этди.
“Карьера куни” ахборот-таништирув тадбирида “Ўзпахтасаноатэкспорт” холдинг компанияси ҳам фаол қатнашди ва мутахассислар битирувчиларга компания фаолияти, имкониятлари ва бўш иш ўринлари тўғрисида батафсил ахборот берувчи тарқатма материаллар ва электрон маълумотлар тақдим этишди.
Тадбир давомида компания фаолиятига қизиқиш билдирган ёшларга мутахассислар томонидан йўл-йўриқ ва тасвиялар берилди.
Publication author
Comments: 0Publics: 982Registration: 14-08-2014
