2016 йил якунланишига ҳам саноқли кунлар қолди. Остонада орзу-умидлар, яхши ниятлар ва улкан режаларга бой 2017 йил кутиб турибди.
Ҳозирда мамлакатимизнинг барча ҳудудларида байрамона кайфият ҳукмрон, десак муболаға бўлмайди. Бу юртдошларимизнинг мамнун қиёфаси, кўчаларни безаган алвон арчалар ва ранго-ранг чироқларда акс этиб турибди. Жумладан, жорий йилни меҳнат фаолиятидаги яхши натижалар, кўплаб ижобий ўзгариш ва муваффақият билан якунлаётган “Ўзпахтасаноатэкспорт” холдинг компаниясида ҳам байрамга юксак кўтаринкилик билан қарши олинмоқда. Режа асосида кўплаб байрам тадбирлари ўтказилмоқда.
Айтиш жоизки, жамоаларда соғлом рақобат муҳитини шакллантириш, ўз фидоий меҳнати билан ҳурмат қозонган ходимларни моддий ва маънавий рағбатлантириш, шунингдек соғлом турмуш тарзини тарғиб қилишга бағишланган турли мусобақаларни мунтазам ўтказиб бориш Холдинг компанияда яхши анъанага айланиб улгурди.
Шу кунларда тизимдаги барча меҳнат жамоаларида, корхона ва ташкилотларда янги йил спорт мусобақалари бўлиб ўтмоқда. Республикамизнинг турли минтақаларида ўтказилаётган мазкур беллашувларда минглаб ишчи-ходимлар ўзи жисмоний имкониятини синовдан ўтказишмоқда.
Янги йил арафасида ўтказилаётган бундай мусобақалар, шубҳасиз, ходимлар ўртасидаги дўстона муносабатларнинг мустаҳкамланиши, ўзаро мулоқот ва фикр алмашув, келаётган йилни яхши кайфият ва кўтаринкилик билан кутиб олишларига сабаб бўлади.
Publication author
