Қалбларни бир олам орзу-ниятлар ва қувончга тўлдириб, 2017 йил кириб келмоқда. Ана шундай муҳим фурсатларда ўтаётган йил ва унда эришилган натижалар сарҳисоб қилинади.
2016 йил, барча соҳаларда бўлгани каби, “Ўзпахтасаноатэкспорт” холдинг компаниясида ҳам анча ютуқ ва муваффақиятларга бой бўлди. Холдинг компаниямиз қисқа фурсат ичида нафақат Ўзбекистонда, балки жаҳонда ҳам ўз ўрни, ўз номи ва нуфузига эга ташкилотга айланиб улгурди, дейишга асосларимиз етарли. Зеро, тизимда ўтиб бораётган йилга белгиланган вазифа ва топшириқлар, режа ҳамда лойиҳаларни муваффақиятли бажаришга эришилди. Бу ютуқлар замирида, биринчи навбатда, тизимда меҳнат қилаётган барча ишчи-ходимларнинг фидокорона меҳнати ётганини алоҳида эътироф этиш жоиз.
“Ўзпахтасаноатэкспорт” холдинг компанияси кириб келаётган 2017 йилда ҳам ўз олдига улкан мақсадлар қўйган. Жаҳон бозорида ўзбек пахтаси нуфузини янада ошириш, экспорт географиясини кенгайтириш, соҳага янада кўпроқ инвестициялар, хорижий сармояларни жалб қилиш, соҳани модернизация қилиш ва энг замонавий технологиялар асосидаги ишлаб чиқаришни йўлга қўйиш, маҳсулотларнинг юқори сифатига эришиш, шунингдек ишчи-ходимларнинг меҳнат шароитларини янада яхшилаш орқали турмуш тарзининг юксалишига ҳисса қўшиш, уларнинг ижтимоий ҳимоясини кучайтириш, жамоада ўрнак кўрсатган ходимларни доимий рағбатлантириб бориш сингари устувор вазифалар белгиланган. Бунда, албатта, Сиз азиз фидоий ҳамкасбларга, аҳил жамоага суянамиз. Умид қиламизки, Янги йилда ўйлаган барча режаларимиз, эзгу ниятларимиз амалга ошади, холдинг компанияси жамоаси бундан ҳам юксак марраларни забт этади.
Шу улуғ кунларда “Ўзпахтасаноатэкспорт” холдинг компанияси раҳбарияти тизимда меҳнат қилаётган барча ходимларни Янги йил байрами билан қизғин муборакбод этади. Барчаларига мустаҳкам соғлик, оилавий тотувлик, хонадонларига қут-барака ва белгиланган вазифалар ижроси йўлида собитқадамлик ҳамда куч-ғайрат тилайди! Янги йил аввалгиларидан ҳам баракали ва омадли келсин!
Янги йилингиз муборак бўлсин, азиз ҳамкасблар!
“Ўзпахтасаноатэкспорт” холдинг компанияси раҳбарияти
Publication author
